A rôh tơdah, pôa Võ Văn Thưởng, tối nhên Việt Nam hdrối kơ’nâi môi tiah môi, malối ngăn nhuô̆m tơrŭm cheăng kong têa tơrŭm tung la ngiâ tơrŭm tung tai tâng ƀă Kong têa Rusi. Kăn xiâm hnê ngăn tơnêi têa môi tuăn ƀă rơkong tơpui tối dêi Kăn xiâm hnê ngăn Kuô̆k hô̆i Tơnêi têa Rusi ‘na tơrŭm cheăng kâ – tê mơdró, ‘no liăn cheăng tung pơla hdrối nah tá hâi châ môi tiah tơdroăng ki rơhêng vâ, ing mê hiăng kum ivá mơ-eăm ƀă mơ-eăm dêi tá péa pâ tung pơla nôkố ƀă tung pơla tơdroăng cheăng kâ ai hen xơpá.

Tung la ngiâ ah, kăn xiâm hnê ngăn tơnêi têa pơkâ thế péa pâ pơtối mơdêk pơtroh mâu kăn lăm pôu dêi rơpó, xua tơdroăng ki trâm dêi rơpó vâ tơpui tơno, mơ-eăm rơtế ƀă dêi rơpó tơkâ luâ mâu tơdroăng xơpá ki kal ƀă mâu vâi pú ki hiăng ton hơnăm tơrŭm tơroâ.

Kăn xiâm hnê ngăn tơnêi têa rơhêng vâ tơrŭm cheăng pơla péa pâ tung mâu kơvâ cheăng lêng, gâk kring, khoa hok kong ngê̆, hnê hriâm, mơhno túa lĕm tro ƀă trâm mâ tơpui tơno pơla kuăn pơlê kô pơtối mơdêk rơdêi tung la ngiâ.