Tơdah kăn teăng mâ Ireland, pôa Võ Văn Thưởng, Kăn xiâm hnê ngăn tơnêi têa rơkâu kơ jâ Deirdre Ni Fhalluin châ pôk bro kăn teăng mâ a Việt Nam; tơngah jâ kô ai môi hneăng cheăng ƀlêi trâng tơniăn lĕm, veăng kum kơhnâ dêi jâ kô cho hneăng hơnăm pei pro hơ’lêh mâu tơdroăng rơhêng vâ tung tơrŭm cheăng pơla péa tơnêi têa.

Tơdah pôa Marco Della Seta, kăn teăng mâ Italia, pôa Võ Văn Thưởng rơkâu kơ pôa xo pêi dêi hnoăng cheăng nếo a Việt Nam. Tơngah tiah kố ƀă ki rơkê tung hnoăng cheăng tơpui kâ, pôa kô ai môi hneăng pei cheăng ƀlêi chiâng tơniăn a Việt Nam. Kăn xiâm hnê ngăn tơnêi tối tiah kố, ki ai hlâu tơrŭm cheăng péa tơnêi têa ối ai hên ƀă ăm ‘nâi, Việt Nam kô rơtế ƀă Italia pêi pro tơƀrê mâu tơdroăng tơhrâ ki hiăng kĭ.

Kăn xiâm hnê ngăn tơnêi têa ăm ‘nâi kô pơkâ séa ngăn kơtăng mâu kơ koan tơrŭm cheăng dêi Việt Nam rơtế prôk ƀă tŏng kum vâ kăn teăng mâ pêi pro tơniăn lĕm tro hnoăng cheăng dêi tơná.