Kăn xiâm hnê ngăn tơnêi têa tối péa tơnêi têa ai hên tíu ki vâ môi tiah dêi rơpó ƀă pơtối mơnhông tơrŭm cheăng pơla péa tơnêi têa Việt Nam - Nhuk mơnhông rơdêi tâ nếo tung tŭm tơdroăng cheăng.

Pôa Võ Văn Thưởng, Kăn xiâm hnê ngăn tơnêi têa pơkâ thế péa pâ pơtối mơdêk tơpui tơno tơrá mâu kăn ƀă rêm râ vâ veăng ‘no hnoăng ‘mâi mơnhông mơdêk loi nhoăm dêi rơpó tơdroăng kal kí; tơmâng khât tung tơdroăng tơrŭm mơnhông cheăng kâ, tê mơdró, ‘no liăn cheăng, pêi cheăng, ODA, hnê hriâm ƀă hnê mơjiâng tuăn ngôa rơkê tung mê ai hnê mâu ngế pro kăn ƀô̆, rak ngăn rêm râ; mơdêk trâm tơpui tơno dêi kong pơlê, mơhno túa lĕm tro, ôm hyô, trâm mâ tơpui tơno ƀă kuăn pơlê ƀă mâu rơxông nếo péa tơnêi têa.

‘Na tơdroăng lâp plâi tơnêi ƀă tung kơpong, Kăn xiâm hnê ngăn tơnêi têa tối Việt Nam hbrâ vâ tơrŭm krá ƀă Nhuk veăng ‘no hnoăng pêi klêi tơdroăng cheăng dêi hneăng hôp kân mâu Kăn ASEAN - Nhuk mơ’nui hơnăm 2023.