A roh tơpui tơno, péa ngế kăn xiâm pơkuâ mơnhên ki kal dêi tơdroăng thăm mơdêk tơpui tơno khu râ kăn xiâm, ki rơhêng vâ tối cho khu râ kăn xiâm, péa pâ pêi pro châ tơƀrê mâu troăng tơrŭm cheăng hiăng ai hlâu xuân môi tiah pơla mâu khu xiâm, kơvâ cheăng, kong pơlê vâ thăm hlê plĕng, loi tơngah, mơjiâng ivá ăm tơrŭm hên pâ pơla péa tơnêi têa.

Péa pâ môi tuăn pơtối tơrŭm krá tơniăn ƀă môi tuăn dêi pó a mâu hneăng hôp tơpui tơno rêm pâ, ki má lối cho Khu lâp kong têa, Hneăng hôp khu râ kăn xiâm ‘na Tơrŭm pêi pro ƀă mâu troăng mơjiâng hiâm mơno loi tơngah a Châu Á; mơnhên tối Việt Nam hbrâ rơnáu cho kông tơdjêp vâ Kazakhstan thăm tơrŭm cheăng ƀă mâu kong têa a kơpong peăng mâ hâi lo pá hdroh châu Á ƀă Kazakhstan kô cho kông tơdjêp vâ Việt Nam thăm tơrŭm cheăng ƀă mâu kong têa Trung Á.