A rôh trâm mâ Teăng mâ kăn pơkuâ Đảng, Tơnêi têa, pôa Võ Văn Thưởng, kăn xiâm hnê ngăn tơnêi têa tối phiu ro trâm khu kăn cho mâu ngế ki ai hnoăng ƀă kăch măng kong pơlê Trà Vinh, tối mơnê ó khât troh mâu rơxông ki prôk hdrối nah ‘na mâu hnoăng cheăng pleăng, hlâ rêh tung hnoăng cheăng tơleăng lĕm hdroâng mơngế, pro tơnêi têa tơrŭm chiâng môi.

Tối nhên Đảng, Tơnêi têa đi đo mơeăm tơmâng ngăn, tŏng kum mơngế ki ai hnoăng, Kăn xiâm hnê ngăn tơnêi têa pơkâ thế rêm râ, khu pơkuâ cheăng Đảng, khu kăn pơkuâ kong pơlê Trà Vinh pơtối pêi pro tơƀrê, pêi krâu troăng hơlâ tŏng kum dêi Tơnêi têa ƀă hnoăng cheăng kố; pơtối séa ngăn vâ pôi tá lôi kơbố ai hnoăng ƀă kăch măng ki lâi tá hâi châ xúa troăng hơlâ tŏng kum dêi Tơnêi têa, la xuân pôi tá ăm ai tơdroăng ki troăng hơlâ tŏng kum ôh tá tro mơngế.

Kăn xiâm hnê ngăn tơnêi têa tối nhên, tơdroăng ki pêi pro tro troăng hơlâ tŏng kum mâu ngế ki ai hnoăng a Trà Vinh xuân môi tiah troăng hơlâ vâ mơdâk khu tơrŭm kân tâi tâng hdroâng mơngế, malối cho a Trà Vinh ai hên kuăn pơlê hdroâng kuăn ngo pleăng dêi hnoăng hlâ rêh ăm kăch măng.