Tối tơbleăng a rôh trâm mâ, pôa Võ Văn Thưởng, Kăn xiâm hnê ngăn tơnêi têa tối, Đảng, Tơnêi têa ngăn mơnhông pêi chiâk, kuăn pơlê pêi chiâk, thôn pơlê cho tơdroăng ki xiâm thế pêi pro, Kăn xiâm hnê ngăn tơnêi têa tối nhên, mâu hnoăng ki kân dêi  “Hơ’lêh nếo’’, tơmeăm ki ai, ki rơdêi, ki nhoăm, tơmeăm ki ai hlâu dêi tơnêi têa chiâng ai môi tiah hâi kố cho ai hnoăng veăng ‘no kân khât dêi tơmeăm pêi lo ing chiâk deăng, kuăn pơlê pêi chiâk, thôn pơlê.

Tối troh pơkâ tơbleăng pêi djâ Việt Nam chiâng tơnêi têa mơnhông tơƀrê pê lo liăn hên a hơnăm  2045, pôa Võ Văn Thưởng, Kăn xiâm hnê ngăn tơnêi têa pơkâ thế Kăn xiâm ngăn Pêi chiâk deăng ƀă mơnhông thôn pơlê kơhnâ hnê tối, mơhnhôk kuăn pơlê pêi chiâk hơ’lêh rơdêi ki khât, tâi tâng ‘na tơdroăng tơchĕng tơmiât  ing tơdroăng tối ăm ‘nâi pêi pro ki kân, tơtro ƀă pêi chiâk pê lo tơmeăm ƀă kơchơ tê mơdró, tŏng kum kuăn pơlê pêi chiâk thế chiâng mơngế kŏng nhân ki pêi chiâk deăng.