Tiô rơkong krếo thế dêi pôa Tập Cận Bình, Kăn xiâm pơkuâ hnê ngăn Đảng Kŏng san Sinuâ, Kăn xiâm hnê ngăn tơnêi têa Sinuâ, kơxo lơ 17/10, pôa Võ Văn Thưởng, Kăn xiâm hnê ngăn tơnêi têa pin pơkuâ djâ khu kăn xiâm Việt Nam lăm troh a Bắc Kinh, veăng hôp a Rôh hôp khu râ kăn xiâm tơrŭm cheăng lâp plâi tơnêi “Troăng ví ƀă Troăng prôk” rôh má pái sap ing hâi lơ 17 troh hâi lơ 20/10.

Kố cho rôh pêi dêi hnoăng cheăng ki apoăng dêi pôa Võ Văn Thưởng troh a Sinuâ sap ing Việt Nam tơkŭm po ƀlêi chiâng Hneăng hôp Đảng rôh má 13 ƀă Sinuâ tơkŭm po ƀlêi chiâng Hneăng hôp Đảng rôh má 20. Hơnăm 2023 xuân cho hơnăm tơbâ 15 hơnăm mơjiâng ƀă tơrŭm tung la ngiâ tơrŭm tâi tâng kơvâ cheăng pơla Việt Nam – Sinuâ ƀă tơbâ 10 hơnăm mơjiâng tơdroăng tơmiât rơkê Troăng ví ƀă Troăng prôk.

Rôh lăm pôu rôh kố dêi pôa Võ Văn Thưởng, Kăn xiâm hnê ngăn tơnêi têa pin ai pơxúa kal khât, mơhno tơdroăng ki ngăn nhuô̆m, kơjo kum xiâm dêi Đảng, Tơnêi têa pin tung tơdroăng mơnhông tơrŭm cheăng ƀă Sinuâ.