VOV4.Xơ Đăng - Kơxo lơ 22/6, a Hà Nội, Ngế pơkuâ hnê mơhno cheăng xiâm Đảng tơkŭm po hneăng hôp hnê tối ƀă tơbleăng pêi tơdroăng pơkâ kơxô̆ 15 hâi lơ 5/5/2022 dêi Khu xiâm kal kí ‘na troăng rơhlâ, tơdroăng cheăng pêi mơnhông pơlê kong xiâm Hà Nội troh hơnăm 2030, hvái ngăn troh hơnăm 2045. Tơbleăng hnê mơhno a hneăng hôp, pôa Võ Văn Thưởng tối, pơkâ 15 hiăng tối nhên troăng rơhlâ, pơkâ, tơdroăng cheăng pêi, troăng rơhlâ ki vâ mơnhông tơ-brê pơlê kong xiâm Hà Nội troh hơnăm 2030, hvái ngăn tơdroăng pêi pro troh hơnăm 2045.

Ing mê, hnê tối dêi mâu Khu xiâm kơvâ cheăng kong pơlê tí tăng ‘nâi plĕng tơpui a hneăng hôp, pôa Võ Văn Thưởng pâ thế Đảng ƀô̆, Pơlê kong kân Hà Nội thế tơkŭm po ăm mâu kăn ƀô̆ đảng viên ƀă kuăn pơlê tí tăng ‘nâi plĕng hriâm, tơdroăng kal tung pơkâ, mơdêk tơdroăng hnê tối troh hên tơdroăng, Ing mê, mơdêk ƀă môi tuăn hlê plĕng tơdroăng cheăng, hnoăng pêi ki kal thế pêi tung mơnhông mơdêk Hà Nội tung mâu hơnăm la ngiâ.

Pakĭng mê, pơlê kong kân xuân kal mơhnhôk tăng ivá rơdêi tung tí tăng pêi tơ-brê tơmeăm khoăng, ki pơxúa dêi pơlê kong xiâm vâ tơrŭm ƀă tơmeăm xiâm dêi lâp tơnêi têa ƀă tơmeăm xiâm lâp plâi tơnêi mơjiâng ƀă mơdêk pơlê kong xiâm rơkê plĕng tơxâng cho Tíu xiâm tơdroăng kal kí dêi tơnêi têa plâi nuih dêi lâp tơnêi têa.

Gương tơplôu ƀă tơbleăng