VOV4.Xơ Đăng - Hneăng tơ’noăng râ má pái phôh thong hơnăm 2022 cho hneăng tơ’noăng ki kal châ Chin phuh tơmâng. Tung kơxo lơ 7/7, pôa Vũ Đức Đam hiăng troh lăm ngăn tíu tơ’noăng râ má pái a Hngêi trung râ má péa Nghiã Tân, Cầu Giấy, Hà Nội, mơhnhôk mâu hok tro ƀă nôu pâ hok tro. Klêi mâu hok tro lo ing veăng tơ’noăng môn Ngữ Văn, pôa Vũ Đức Đam Ngế pro xiâm phŏ hnê ngăn tơnêi têa hiăng troh kơ-êng mơhnhôk mâu hok tro tối ‘na veăng tơ’noăng  tối ‘na ki pá ki ôh dêi ko ƀai tơ’noăng ƀă hía hé.

Ngế pro xiâm phŏ hnê ngăn tơnêi têa xuân lăm pôu kơ-êng mâu nôu pâ hok tro ‘na tuăn tơmiât, ‘na tơdroăng hbrâ ăm roh tơ’noăng mê. Khĕn kơdeăn khât tung tơkŭm po tơ’noăng râ má pái phôh thong hơnăm 2022 dêi pơlê kong kân Hà Nội ƀă mâu kong pơlê tung lâp tơnêi têa. Pôa Vũ Đức Đam tối pơchân, tơdroăng pêi pro tiô pơkâ tơ’noăng thế kơtăng; hlối thế pro tơ’lêi hlâu ăm mâu hok tro.

Malối, ƀă mâu ngế ki hrá troh lơ pro xôi luât pơkâ tơ’noăng thế séa ngăn  nhên, tro tiô tơdroăng ki ai khât, ví tơdroăng ăm vâi chiâng lŭp xua ing mâu tơdroăng mơnĕn xôi ki ôh tá ai chiâng tối ai.

Gương tơplôu tơbleăng