Kơxê hâi lơ 6/8, a pơlê kong xiâm Jakarta, pôa Vương Đình Huệ, Kăn xiâm hnê ngăn Kuô̆k hô̆i ƀă mâu kăn Kuô̆k hô̆i râ má môi mâu kong têa tung Hô̆i đong Tơrŭm cheăng dêi mâu kong têa Đông Nam Á (AIPA) hiăng hôp Khu kăn xiâm AIPA. A hneăng hôp, pôa Vương Đình Huệ, Kăn xiâm hnê ngăn Kuô̆k hô̆i ƀă mâu kăn Kuô̆k hô̆i, Kuô̆k hô̆i  râ má môi mâu kong têa tung Hô̆i đong Tơrŭm cheăng dêi mâu kong têa Đông Nam Á (AIPA) - 44; tơdroăng hôp to mâu kăn Kuô̆k hô̆i kơdrâi AIPA, Hneăng hôp mâu kăn Kuô̆k hô̆i hơnăm ối nếo AIPA; hâi hôp ƀă tíu hôp tơkŭm to Hô̆i đong dêi AIPA - 44 ai tơrŭm  tơkŭm tơtro ƀă tơdroăng pơxá tơdjuôm dêi ASEAN hơnăm kố cho “Môi ASEAN ki kân’’.

Ki xiâm “tơpui tơdroăng mơnhông mơdêk’’, tung mê tơpui kơdeăn ‘na tơdroăng hmâ tơtro ƀă tơdroăng cheăng dêi mâu kăn Kuô̆k hô̆i ASEAN tung pơla mâu tơdroăng tung kơpong ƀă lâp plâi tơnêi ai hên tơdroăng hơ’lêh, tối nhên tơpui tơno ƀă kơ-êng, mơdêk tơrŭm pơla mâu ƀâng mơjiâng luât ƀă luât pơkâ, veăng ‘mâi mơnhông tơrŭm ƀă hnoăng pêi ki xiâm dêi ASEAN.