VO4.Xơ Đăng - Tung hneăng lăm pôu kong têa Lếo, kơxo lơ 17/5 a pơlê kong xiâm Viêng Chăn, pôa Vươg Đinh Huệ, Kăn xiâm hnê ngăn Kuô̆k hô̆i hiăng tơpui tơno ƀă pôa Phankham Viphavanh, Ngế pro xiâm hnê ngăn kong têa Lếo. A rôh trâm mâ, péa ngế kăn tối tơdroăng môi tuăn ‘na mơnhông tơrŭm cheăng pơla péa tơnêi têa tung hơnăm hdrối kô nah, khĕn kơdeăn khât tơdroăng ki péa pâ mơ-eăm pơtối rak vế tơpui  tơno ƀă khu ƀă trâm mâ mâu kăn đi đo.

Pôa Vương Đình Huệ, Kăn xiâm hnê ngăn Kuô̆k hô̆i hôp tơpui ƀă ngế pro xiâm hnê ngăn kong têa Lếo

Pôa Vương Đình Huệ tối, Kuô̆k hô̆i Việt Nam malối nhoăm tơdroăng cheăng mơjiâng ƀă pê klêi luât vâ ai tiô pơkâ dêi tơdroăng pơ’lêh cheăng nếo ƀă tơrŭm ƀă lâp plâi tơnêi, đi đo môi tuăn ƀă séa ngăn, mơdêk tơdroăng pêi pro tiô tơdroăng tơrŭm cheăng péa Chin phuh Việt Nam ƀă Lếo.

‘Na troăng rơhlâ mơdêk tơrŭm cheăng pơla péa pâ tung la ngiâ, péa ngế kăn xiâm tối nhên tơdroăng péa pâ kal tơrŭm pêi kơtăng mâu tơdroăng tơhrâ tơrá mâu kăn. Péa pâ vâ môi tuăn kal mơ-eăm tăng mâu troăng rơhlâ ki tơ-ƀrê vâ mơdêk tơrŭm cheăng kâ chiâng môi troăng cheăng ki xiâm tung tơrŭm cheăng pơla péa tơnêi têa, tơxâng ƀă tơrŭm cheăng ki tơviah pơla Việt Nam - Lếo.

Gương tơplôu ƀă tơbleăng