Klêi leh tơdah, pôa Vương Đình Huệ, Kăn xiâm hnê ngăn Kuô̆k hô̆i  hiăng tơpui ƀă Kăn xiâm hnê ngăn Kuô̆k hô̆i Nhuk. A rôh tơpui tơno, péa ngế kăn xiâm tối tiah kố, sap ing mơjiâng tơrŭm cheăng “Tơrŭm trâu rơdâ xua hơniâp lĕm ƀă kro mơdrŏng a châu Á”, tơrŭm cheăng pơla péa tơnêi têa dế mơnhông tơtêk lĕm ƀă loi nhoăm dêi rơpó tơdroăng kal kí, mê cho xiâm ki vâ tơrŭm cheăng tung tâi tâng ƀă trâu rơdâ pêi hên hnoăng cheăng tung  tung mâu tơdroăng.

Vâ mơdêk tâ nếo tơrŭm cheăng pơla péa tơnêi têa péa kơ koan mơjiâng luât, pôa Vương Đình Huệ pơkâ thế, péa pâ mơdêk tơrŭm tơpui kâ, tối ăm dêi rơpó ‘nâi tơdroăng cheăng pơla mâu Vi ƀan ngăn tơdroăng cheăng, pơtối rak vế hnoăng cheăng ki kal, tơrŭm tung tơdroăng pê klêi luât pơkâ, luât tŏng kum mơjiâng hang lơ kơjo kum khu mơdró péa tơnêi têa po rơdâ tơrŭm cheăng, ‘no liăn cheăng a tơrêm kong têa.