VOV4.Xơ Đăng - Hâi hnah, lơ 15/5, pôa Vương Đình Huệ, Kăn xiâm hnê ngăn Kuô̆k hô̆i ƀă khu râ kăn teăng mâ Kuô̆k hô̆i tơnêi têa pin hiăng troh a tơraih tơƀai Wattay, pơlê kong xiâm Viên Chăn, kong têa Lếo  pơxiâm roh lăm pôu pêi cheăng a kong têa Lếo.

Pôa Vương Đình Huệ, Kăn xiâm hnê ngăn Kuô̆k hô̆i lăm pôu pêi cheăng a kong têa Lếo

Roh lăm pôu păng ‘nâng dêi pôa Vương Đình Huệ châ mâu pú hmâ Lếo nhuô̆m ngăn cho môi tung mâu tơdroăng ki kal má môi tung hơnăm Rŭm môi tuăn pơla Việt Nam – Lếo, Lếo – Việt Nam 2022; thăm pêi pro rơdêi tơrŭm cheăng ƀă Việt Nam vâ kum pêi pro ƀlêi trâng pơkâ mơnhông mơdêk cheăng kâ – rêh ối pơlê pơla 5 hơnăm roh má IX dêi Lếo; thăm tơrŭm tŏng kum dêi pó tung tơdroăng hbrâ mơdât pơreăng ƀă pro tơniăn, mơnhông cheăng kâ, rêh ối pơlê pơla klêi kơ’nâi pơreăng kân; ti tăng plĕng ki rơkê pêi cheăng dêi Kuô̆k hô̆i Việt Nam. Klêi kơ’nâi troh a Lếo, pôa Vương Đình Huệ kô veăng Leh mơhnhôk tơdroăng tơkêa bro Kơdrum reăng tơrŭm Lếo – Việt Nam; trâm mâ pơlê pơla khu tê mơdró Việt Nam mơ’no liăn cheăng a Lếo; lăm pôu Kơ koan teăng mâ ƀă trâm mâ mơngế Việt Nam a Lếo.