Pôa Vương Đình Huệ, Kăn xiâm hnê ngăn Kuô̆k hô̆i lăm pôu pêi cheăng kong têa Indonesia ƀă veăng hôp AIPA-44
Thứ sáu, 14:10, 04/08/2023
Tơplôu: A Sa Ly/VOV
Tơplôu: A Sa Ly/VOV
VOV4.Xơ Đăng - Kơxo lơ 4/8, pôa Vương Đình Huệ, Kăn xiâm hnê ngăn Kuô̆k hô̆i lo ing Hà Nội, pơxiâm roh lăm pôu pêi cheăng a kong têa Indonesia ƀă veăng Hneăng hôp Khu tơrŭm Kuô̆k hô̆i râ má môi mâu kong têa ASEAN roh má 44 (dó inâi cho AIPA-44).
Roh lăm pôu pêi cheăng kong têa Indonesia roh kố dêi pôa Vương Đình Huệ kô kum djâ tơrŭm cheăng ton xŏn pơla Việt Nam – Indonesia rế hía rế châ tơƀrê ƀă mơdêk tơrŭm cheăng pơla péa pâ to a râ nếo tung la ngiâ.
Xuân a kong têa Indonesia, pôa Vương Đình Huệ pơkuâ djâ Khu râ kăn xiâm Kuô̆k hô̆i Việt Nam veăng Hneăng hôp Khu AIPA – 44 vâ mơnhên hnoăng dêi Kuô̆k hô̆i Việt Nam, hbrâ, thăm veăng kum păng ‘nâng tung tơdroăng xiâm dêi AIPA. Rơtế mâu khu râ kăn Kuô̆k hô̆i râ má môi AIPA thăm rŭm môi tuăn ƀă hnoăng tíu xiâm dêi ASEAN, mơdêk tơrŭm AIPA ƀă mâu khu tơrŭm cheăng, kum tơdroăng mơjiâng pơlê pơla ASEAN; mơnhông mơdêk hnoăng, rơkong tơpui dêi AIPA ƀă hơniâp lĕm, tơniăn ƀă mơnhông mơdêk.
Viết bình luận