A rôh hôp mê, pôa Vương Đình Huệ, Kăn xiâm hnê ngăn Kuô̆k hô̆i pơkâ thế, tối tơbleăng séa ngăn thế tối nhên tơdroăng ki tro, ki ôh drêng tơbleăng pêi 3 Tơdroăng, hlối pâ thế tối mâu troăng rơhlâ pêi pro ai tung chêh hlá mơ-éa Tơbleăng thế chêh tro, achê, tro tiô tơdroăng hlo ai khât.

‘Na tơdroăng dêi Ngế xiâm ngăn pêi chiâk ƀă mơnhông thôn pơlê, pôa Vương Đình Huệ tối pơchân thế tiâ mâu tơdroăng ki nếo ai, ki kuăn pơlê tơmâng vâ ‘nâi plĕng, mê cho: ‘Na yă phái tê ăm kong têa ê;  tối nhên ki tơdjâk dêi tơdroăng mơnúa pơkâ luât pơcháu ăm mâu kong pơlê pơkâ tơdroăng hơ’lêh tơnêi pêt báu pá xôp 20 ha, tơdroăng tơdjâk ‘na tí tăng chiâ xo tơmeăm tung kơdâm tơnêi, rak pro pơxúa ‘na ká xi xŏng... Kố cho mâu tơdroăng xơpá dêi kơvâ pêi chiâk dế thế pơkâ vâ pêi mâu tơdroăng pơloăng mơnúa.