A rôh tơdah, péa pâ khĕn kơdeăn tơrŭm cheăng pơla Việt Nam - Nhuk tung pơla hdrối mê hía nah. Tơrŭm cheăng pơla Kuô̆k hô̆i ƀă trâm tơpui ƀă kuăn pơlê cho hnoăng pêi pro ki kal mơnhông tơrŭm cheăng pơla Việt Nam - Nhuk. Kăn xiâm hnê ngăn Kuô̆k hô̆i pơkâ thế Chin phuh péa tơnêi têa tơrŭm vâ pro trâu tâ tơrŭm cheăng pơla péa tơnêi têa tung pơla nôkố.

Péa pâ xuân vâ môi tuăn mơdêk tơdjêp pơla kuăn mơngế ƀă kuăn mơngế, kố cho tơdroăng ki xiâm má môi, cho xiâm vâ ‘mâi mơnhông, mơdêk tơrŭm cheăng pơla Việt Nam - Nhuk.  Pakĭng mê, kal mơdêk tơdjêp khu mơdró ƀă khu mơdró, kong pơlê ƀă kong pơlê. ‘Na tơrŭm cheăng Kuô̆k hô̆i dêi péa kong têa, pôa Vương Đình Huệ, Kăn xiâm hnê ngăn Kuô̆k hô̆i pơkâ thế, pôa Yamaguchi Natsuo pơtối môi tuăn ƀă Kuô̆k hô̆i Việt Nam ƀă Nhuk mơdêk tơpui tơno tơrá mâu kăn ƀă mâu khu râ, pơla mâu khu kăn Kuô̆k hô̆i hơnăm ối nếo, khu kăn Kuô̆k hô̆i kơdrâi, pơtối rak vế hnoăng cheăng dêi Khu  kăn Kuô̆k hô̆i ƀă khu tơrŭm mâu kăn Kuô̆k hô̆i pơla Nhuk - Việt Nam.