Pôa Vương Đình Huệ, Kăn xiâm hnê ngăn Kuô̆k hô̆i tối phiu ro trâm khu kăn pơkuâ Khu ngăn tơdroăng tơrŭm tơroâ Iran – Việt Nam ƀă pôa Seyed Kamal Sajjadi, ngế cho kăn teăng mâ Iran a Việt Nam hneăng hdrối, tơrŭm hmâ ƀă Việt Nam xuân cho kăn hnê ngăn ki mơjiâng Khu tơrŭm Iran – Việt Nam.

Kăn xiâm hnê ngăn Kuô̆k hô̆i tối nhên, Việt Nam đi đo ngăn nhuô̆m ƀă rơhêng vâ mơdêk tơrŭm cheăng, tơrŭm tơroâ, tơrŭm tung hên kơvâ cheăng ƀă Iran. Rôh lăm pôu kố dêi Khu kăn rôh kố hiăng veăng kum thăm mơdêk tơrŭm cheăng pơla péa tơnêi têa tung kơvâ cheăng Đảng, Kuô̆k hô̆i, Chin phuh ƀă kong pơlê, malối cho mơdêk tơdroăng ki trâm mâ pơla kuăn pơlê.

Kăn xiâm hnê ngăn Kuô̆k hô̆i rơhêng vâ Khu ngăn tơdroăng tơrŭm Iran – Việt Nam pơtối pêi pro hên tơdroăng ki trâm mâ pơla kuăn pơlê, veăng kum hên tâ nếo tung tơrŭm cheăng pơla péa tơnêi têa tối tơdjuôm.