Pôa Vương Đình Huệ, Kăn xiâm hnê ngăn Kuô̆k hô̆i koh hâk khu kăn xiâm Đảng, Tơnêi têa Cuba lăm pôu Việt Nam ƀă veăng a Leh tơbâ 50 hơnăm rôh lăm dêi kăn xiâm pơkuâ Cuba pôa Fidel Castro troh kơpong Tơleăng lĕm peăng hdroh Việt Nam a Quảng Trị (9-1973/ 9-2023). Péa ngế kăn xiâm hnê ngăn Kuô̆k hô̆i rơtế mơnhên tối khât tơdroăng ki pơtroh khu râ kăn xiâm troh a tơnêi têa dêi rơpó ƀă rêm râ kăn pơla péa tơnêi têa tối tơdjuôm ƀă 2 Kuô̆k hô̆i tối krê pơtối hlối tung pơla hdrối kố nah.

Vâ thăm mơdêk tơrŭm cheăng pơla péa Kuô̆k hô̆i péa tơnêi têa tung la ngiâ, péa pâ kal pơtối mơdêk pơtroh khu râ kăn ƀă rêm râ troh a tơnêi têa dêi pó, malối cho mâu Khu kăn Kuô̆k hô̆k ƀă mâu kơ koan dêi Kuô̆k hô̆i. Péa ngế kăn xiâm hnê ngăn Kuô̆k hô̆i xuân hiăng môi tuăn tơkŭm po rôh hôp pơla Vi ƀan Khu tơrŭm Kuô̆k hô̆i péa tơnêi têa a hơnăm 2024.