Pôa Vương Đình Huệ, Kăn xiâm hnê ngăn Kuô̆k hô̆i tơdah Kăn hnê ngăn Vi ƀan tơrŭm Chin phuh Algeria-Việt Nam
Thứ năm, 06:00, 19/10/2023
Tơplôu: Katarina Nga/VOV
Tơplôu: Katarina Nga/VOV
VOV4.Xơ Đăng - Kơxo lơ 18/10, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i tơdah ngế xiâm ngăn kơmăi kơmok ƀă Mơjiâng bro pơkeăng Algeria, Kăn hnê ngăn Vi ƀan Tơrŭm Chin phuh Algeria-Việt Nam cho pôa Ali Aoun.
Pôa Vương Đình Huệ, Kăn xiâm hnê ngăn Kuô̆k hô̆i phiu ro kơ pôa Ali Aoun lăm pôu Việt Nam ƀă hlối veăng pơkuâ po Hneăng hôp rôh má 12 Vi ƀan tơrŭm Chin phuh Algeria - Việt Nam. Pôa Vương Đình Huệ tối rơdêi, Việt Nam hbrâ rơnáu pro kông tơdjêp Algeria ƀă mâu kong têa kơpong Đông Nam Á.
Hnó a mê, Algeria hbrâ rơnáu pro tơ’lêi hlâu vâ Việt Nam châ mot tơrŭm tung kong têa peăng kơnhŏng châu Phi ƀă châu Phi – kơpong dế ai hên kế tơmeăm ki kân ƀă ai tơdroăng rơhêng vâ tơrŭm cheăng ‘na kế tơmeăm ƀă tê mơdró. Pôa Ali Aoun rơhêng vâ, Algeria-Việt Nam kô kĭ tơkêa tơrŭm tung kơvâ cheăng ƀă kơmăi kơmok ƀă tê mơdró. Pôa Vương Đình Huệ ăm ‘nâi, Kuô̆k hô̆i Việt Nam hbrâ rơnáu môi tuăn péa pâ kĭ tơkêa kố.
Viết bình luận