VOV4.Xơ Đăng - Kơxêi măng lơ (30/5), a Hngêi Kuô̆k hô̆i pôa Vương Đình Huệ, Kăn xiâm hnê ngăn Kuô̆k hô̆i hiăng tơdah kăn teăng mâ Ănglê a Việt Nam cho pôa Gareth Ward. A rôh trâm mâ, pôa Vương Đình Huệ, Kăn xiâm hnê ngăn Kuô̆k hô̆i  khĕn kơdeăn ki mơnhông tơ-brê lĕm tung tơrŭm cheăng pơla Kuô̆k hô̆i  Việt Nam ƀă Kuô̆k hô̆i Ănglê tung tơrŭm cheăng hơnăm hdrối.

Pôa Vương Đình Huệ, Kăn xiâm hnê ngăn Kuô̆k hô̆i tơdah kăn teăng mâ kong têa Ănglê

Péa pâ hiăng pơtối rak vế tơpui tơno tơrá mâu khu kăn xiâm, pơtối trâm mâ hnê tối a mâu roh hôp pơla hên troăng, malối cho a khu tơrŭm Kuô̆k hô̆i  lâp plâi tơnêi (IPU), Hneăng hôp tơrrŭm cheăng Kuô̆k hô̆i châu Á - châu Âu (ASEP). tối nhên tơrŭm cheăng tơ-brê pơla Kuô̆k hô̆i péa tơnêi têa cho xiâm ki kal mơdêk tâ nếo tơrŭm cheăng pơla Việt Nam - Ănglê.

Pôa Vương Đình Huệ púi vâ, Kăn teăn mâ Ănglê pơtối pro kông ki tơdjêp tơdroăng mơdêk tơrŭm cheăng pơla péa Kuô̆k hô̆i, tối nhên mâu tơdroăng tơrŭm pêi pro vâ troh leh tơbâ 50 hơnăm mơjiâng tơpui kâ pơla péa tơnêi têa tung hơnăm 2023.

Gương tơplôu ƀă tơbleăng