Pôa Vương Đình Huệ, Kăn xiâm hnê ngăn Kuô̆k hô̆i khĕn kơdeăn khât tâ nếo hnoăng cheăng dêi Kăn teăng mâ tung mâu hơnăm kô hía nah hiăng ‘no hên hnoăng veăng mơnhông mơdêk tâ nếo a tơdroăng tơrŭm cheăng, tơrŭm môi tuăn tung tŭm tơdroăng ai môi tung péa tung lâp plâi tơnêi tối tơdjuôm ƀă tơrŭm cheăng pơla péa Kuô̆k hô̆i tối krê.

Malối, pakĭng luât pơkâ trâm mâ tiah hmâ rêm hơnăm pơla péa Khu xiâm kal kí ƀă hneăng hôp tiah hmâ dêi pá Vi ƀan tơrŭm cheăng tung Chin phuh péa tơnêi têa mê nếo achê kố, “Hneăng trâm mâ mâu kăn xiâm Việt Nam - Lếo” pơla kăn xiâm pái Đảng hiăng tơkŭm po klêi tơniăn.

Pakĭng mê, péa pâ hiăng ai hên luât pơkâ ki nếo mơjiâng. Tung mê ai luât pơla pơla pái Kăn xiâm hnê ngăn Kuô̆k hô̆i Kul- Lếo- Việt Nam kô châ tơkŭm po hneăng Hôp kân mâu kăn Kuô̆k hô̆i rôh apoăng a Lếo a mơ’nui hơnăm kố. Rôh kố, Kăn xiâm hnê ngăn Kuô̆k hô̆i mơnê Kuô̆k hô̆i Lếo hiăng rah xo mâu kăn Kuô̆k hô̆ hơnăm ối nếo veăng Hôp rôh má 9 xua Kuô̆k hô̆i Việt nam chêh inâi tơkŭm po; mơhno ki sôk ro drêng Kuô̆k hô̆i chêh inâi tơkŭm po; mơhno ki sôk ro drêng Kuô̆k hô̆i Lếo cho kong têa ki pro Kăn xiâm hnê ngăn AIPA 2024 hiăng rơtế ƀă Kăn xiâm chêh tôm xo rơkong AIPA trâm mâ mâu kăn Kuô̆k hô̆i hơnăm ối nếo AIPA a hneăng hôp kố nah.