Kăn xiâm hnê ngăn Kuô̆k hô̆i hiăng hâk ro châ trâm mâu kăn tung Khu pơkuâ ngăn tơrŭm cheăng Kuô̆k hô̆i, mâu ngế pú hmâ dêi kuăn pơlê Việt Nam; klêi mê, pôa tối ăm ‘nâi tiah kố, tơdroăng ki xo pôu râng hnoăng cheăng dêi Khu xiâm kối tung apoăng hơnăm 2023 nah cho hdró roh ki kal păng ‘nâng, veăng kum thăm mơnhông tơdroăng hlê plĕng dêi pó, tơrŭm cheăng pơla kuăn pơlê péa pâ tơnêi tối krê, klêi mê, ing tơdroăng ki veăng kum mơnhông tơrŭm cheăng pơla Việt Nam ƀă Bangladesh.

Kăn xiâm hnê ngăn Kuô̆k hô̆i tối ăm ‘nâi, hneăng lăm pôu kố kô ai tơdroăng hnê thế Khu tơrŭm mâu hnoăng cheăng dêi Việt Nam tơrŭm cheăng ƀă mâu Khu tơrŭm dêi Bangladesh ƀă Việt Nam tung mâu hnoăng cheăng tơrŭm, séa mơnhên ngăn tơdroăng ki mơjiâng Khu tơrrŭm cheăng pơla Việt Nam ƀă Bangaladesh tung la ngiâ ah.