.VOV4.Xơ Đăng -  Kơxê lơ 13/7, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i tơdah pôa Sommad Pholsena, Kăn xiâm phŏ hnê ngăn Kuô̆k hô̆i kong têa Lếo dế pơkuâ xiâm khu râ kăn xiâm Kuô̆k hô̆i kong têa Lếo lăm pôu pêi cheăng a Việt Nam. Pôa Vương Đình Huệ tối, roh lăm pôu pêi cheăng dêi Kăn xiâm phŏ hnê ngăn kong têa Lếo troh a Việt Nam roh kố vâ mơnhên tơdroăng môi tuăn tơrŭm cheăng pơla péa Kuô̆k hô̆i nếo châ péa Kăn xiâm hnê ngăn Kuô̆k hô̆i kĭ a Lếo. Kố xuân cho roh vâ péa pâ hnê ăm dêi pó túa ki rơkê tơtro dêi Kuô̆k hô̆i rêm kong têa.

Pôa Vương Đình Huệ, Kăn xiâm hnê ngăn Kuô̆k hô̆i tơdah Kăn xiâm phŏ hnê ngăn Kuô̆k hô̆i kong têa Lếo

Pôa Vương Đình Huệ mơnhên, Việt Nam ƀă Kuô̆k hô̆i Việt Nam đi đo ngăn tơdroăng thăm mơnhông mơdêk tơrŭm cheăng ki má môi ƀă Lếo cho kơjo ối má môi. Kăn xiâm hnê ngăn Kuô̆k hô̆i loi tơngah, ing pơkuâ dêi Đảng, tơdroăng pơkuâ dêi Tơnêi têa, tơdroăng môi tuăn dêi kuăn pơlê tung tơnêi têa ƀă pú hmâ lâp plâi tơnêi, mơni kong têa Lếo kô tơkâ hluâ pá puât, mơnhông mơdêk ó rơdêi tâ.

A Sa Ly tơplôu ƀă tơbleăng