Ƀă inâi “Hnoăng cheăng dêi hơnăm ối nếo tung tơdroăng mơdêk pêi pro mâu tơdroăng pơkâ mơnhông krá tơniăn ing mâu tơdroăng hơ’lêh kơxô̆ ƀă hơ’lêh nếo túa tơmiât rơkê” ƀă mâu rôh hôp tơpui tơno ‘na tơdroăng ki kal, pôa Vương Đình Huệ, Kăn xiâm hnê ngăn Kuô̆k hô̆i pơkâ thế, mâu kăn ki veăng hôp a Rôh hôp tơpui, tơno ‘na mâu tơdroăng ki kal môi tiah kal pro klâi ƀă pro ti lâi vâ pêi pro tiô tơdroăng ƀă rak tơniăn luât lâp plâi tơnêi, Luât Khu tơrŭm kong têa, cho tơdroăng ki kal, vâ rak vế ƀă tơbêng tơdroăng ki hơniâp lĕm, tơrŭm ƀă mơnhông krá tơniăn ton.

Pôa Vương Đình Huệ, Kăn xiâm hnê ngăn Kuô̆k hô̆i pơkâ thế IPU (Khu tơrŭm Kuô̆k hô̆i kong têa ê) hriăn ngăn mơjiâng troăng hơlâ mâu kăn Kuô̆k hô̆i hơnăm ối nếo lâp plâi tơnêi ‘na hơ’lêh nếo rơkê vâ rơtế ƀă dêi rơpó tơpui tơno ƀă hriâm tâp ki rơkê plĕng ing dêi rơpó.