Pôa Vương Đình Huệ, Kăn xiâm hnê ngăn Kuô̆k hô̆i tối nhên, kơnôm mâu troăng hơlâ pêi pro tơtro, teăm tơdrêng, tá hâi ai tơdroăng tung pơla hdrối nah, ngăn tâi tâng tơdế hneăng hdrối nah, Việt Nam hiăng krá rơdêi tơkâ luâ xơpá, pơloăng mơnúa “mâu tơdroăng ki pro tơrôu” ƀă pêi klêi hên tơdroăng ki kal, chía vâ pêi klêi tâi tâng.

Tiô kăn xiâm hnê ngăn Kuô̆k hô̆i, ing mâu rôh tơxul tơxal, mâu tơdroăng xơpá, pơloăng mơnúa, rế hlo nhên tâ ki kal ƀă hnoăng cheăng pơkâ dêi ivá cheăng, ivá ki mơ-eăm dêi xêh tung mơnhông mơdêk cheăng kâ. Mơdêk ivá cheăng tung tơnêi têa, bro chiâng ivá mơdêk cho pơkâ thế tơ’lêi, kal ƀă kal khât vâ rak tơniăn tơdroăng ki pêi pơtối, tơniăn, krá tơniăn, kum tơnêi têa châ xúa rôh tơ’lêi, tơkâ luâ pơloăng mơnúa, tơdrêng amê hlối kum cheăng kâ mơdêk, tơmiât troh mơnhông mơdêk krá tơniăn.