Klêi kơ’nâi leh tơdah, pôa Vương Đình Huệ, Kăn xiâm hnê ngăn Kuô̆k hô̆i tơpui tơno ƀă Kăn xiâm hnê ngăn Kuô̆k hô̆i Bulgaria. A rôh tơpui tơno, pôa Vương Đình Huệ, Kăn xiâm hnê ngăn Kuô̆k hô̆i tối nhên, Việt Nam đi đo ngăn nhuô̆m ƀă rơhêng vâ mơdêk tơrŭm tơroâ tiô khôi mâ ƀă tơrŭm tung hên kơvâ cheăng ƀă Bulgaria; loi khât rôh lăm pôu kố kô veăng kum mơdêk tơrŭm cheăng pơla péa pâ châ trâu hngế, ai pơxúa, tâi tâng tung mâu kơvâ cheăng.

Tung tơdroăng tơrŭm tơroâ ƀă tơdrăng, péa ngế kăn xiâm hnê ngăn Kuô̆k hô̆i tơpui tơno trâu rơdâ ‘na hên tơdroăng, tá mâu kơvâ cheăng ki péa pâ ƀă hên kơvâ. Ƀă tơdroăng ki rơhêng vâ ƀă khŏm mơ-eăm ăm tơrŭm cheăng châ trâu hơngế, ai pơxúa ƀă tơƀrê tung tâi tâng mâu kơvâ cheăng, péa pâ hiăng môi tuăn ƀă mâu tơdroăng pơkâ tơrŭm cheăng ki kân tâ.