Pôa Vương Đình Huệ mơnhên tối Việt Nam đi đo nhuô̆m tơrŭm nhŏng o ƀă tơrŭm hên pâ ƀă Iran, môi tung mâu khu tơrŭm cheăng ki kal dêi Việt Nam a kơpong Trung Đông, tối phiu ro mâu tơdroăng mơnhông hôm tung tơrŭm cheăng pơla péa tơnêi têa tung mâu hơnăm achê kố, ki rơhêng vâ tối tung mâu kơvâ kal kí – tơpui kâ ƀă kong têa ê, khôi túa lĕm tro, trâm mâ tơpui tơno pơla kuăn pơlê.

Pôa Mohammad Bagher Ghalibaf tối loi tơngah tơrŭm cheăng Việt Nam – Iran xuân môi tiah pơla Kuô̆k hô̆i péa tơnêi têa kô châ hlo mâu troăng mơnhông hluâ râ tung la ngiâ. Ing mê, péa kăn xiâm pơkuâ hiăng tơpui tơno ƀă môi tuăn ‘na mâu troăng pêi ki nhên vâ mơdêk châ tơƀrê tơrŭm cheăng pơla péa pâ tung la ngiâ tung mâu kơvâ môi tiah pơtối tơpui tơno khu râ, ki má lối khu râ kăn xiâm ƀă Khu râ kăn pơkuâ mâu Khu xiâm, kơvâ cheăng pơkuâ cheăng kâ, mâu kong pơlê péa tơnêi.