Tơdah pôa Vương Đình Huệ, Kăn xiâm hnê ngăn Kuô̆k hô̆i ƀă Khu kăn xiâm Kuô̆k hô̆i Việt Nam a tơraih tơƀai ai Kăn teăng mâ Việt Nam a Indonesia rơtế ƀă teăng mâ mơngế Việt Nam a Jakarta. Klêi leh tơdah, pôa Vương Đình Huệ hiăng tơpui ƀă jâ pôa Maharani, Kăn xiâm hnê ngăn Kuô̆k hô̆i râ má péa Indonesia.

Kăn xiâm hnê ngăn Kuô̆k hô̆i râ má péa Indonesia khĕn kơdeăn ai pơxúa hneăng lăm pôu Indonesia rôh a poăng dêi pôa Vương Đình Huệ ƀă xuân cho hneăng lăm pôu Indonesia rôh apoăng dêi Kăn hnê ngăn Kuô̆k hô̆i Việt Nam kơ’nai 13 hơnăm. Péa pâ  kăn xiâm vâ môi tuăn mâu troăng rơhlâ ki kân vâ pơtối mơnhông tơrŭm cheăng péa pâ tung la ngiâ, pơtối mơdêk tơpui tơno tơrá mâu kăn xiâm ƀă rêm râ a mâu ƀâng dêi Đảng, Tơnêi têa, tơrŭm cheăng dêi Kuô̆k hô̆i, tơrŭm cheăng pơla mâu kong pơlê dêi péa kong têa hlối trâm tơpui tơno ƀă kuăn pơlê, ai pơxúa khât tơbâ 10 hơnăm tơrŭm cheăng ƀă kô pêi pro mâu tơdroăng  vâ troh leh tơbâ 70 hơnăm tơrŭm tơpui kâ hơnăm 2025.