A rôh tơpui tơno, péa ngế kăn xiâm pơkuâ hiăng tơpui ƀă môi tuăn ‘na mâu troăng hơlâ mơdêk tơrŭm cheăng pơla péa pâ tung la ngiâ vâ tơxâng ƀă tơdroăng ki hiăng ai hlâu kân dêi péa tơnêi têa.

Péa ngế kăn xiâm pơkuâ môi tuăn thăm mơdêk pơtroh mâu khu râ kăn, a mâu tơdroăng cheăng vâ mơdêk tâ nếo tơdroăng ki tơngah ‘na kal kí, bro tíu vâ mơnhông tơrŭm tung hên kơvâ cheăng pơla Việt Nam ƀă Iran. Tung kơvâ cheăng kâ, Kăn xiâm hnê ngăn Kuô̆k hô̆i pơkâ thế péa pâ thăm mơdêk pro tơ’lêi hlâu ăm mâu kơvâ cheăng ki rơdêi dêi rơpó; mơdêk tơkŭm po mâu tơdroăng pơkâ mơdêk ‘no liăn cheăng, tê mơdró, tơdjêp pơla mâu khu mơdró kâ, kong pơlê pơla péa tơnêi têa; mơdêk tơrŭm hnê hnê hriâm – hnê cheăng pêi, khoa hok – kong ngê̆, mơhno túa lĕm tro – ngê̆ thuât.