VOV4.Xơ Đăng - Hdrối mê, kơxê măng lơ 2/6, a Hngêi Kuô̆k hô̆i, pôa Vương Đình Huệ, Kăn xiâm hnê ngăn Kuô̆k hô̆i hiăng trâm mâ khu kăn teăng mâ Kuô̆k hô̆i hơnăm ối nếo. Pôa Vương Đình Huệ kheăn kơdeăn mâu tơdroăng pêi dêi khu kăn teăng mâ Kuô̆k hô̆i hơnăm ối nếo sap ing mơjiâng troh nôkố, mâu kăn teăng mâ hơnăm ối nếo hiăng mơnhông tơdroăng cheăng a mâu hneăng hôp dêi Kuô̆k hô̆i hneăng 15.

Pôa Vương Đình Huệ, Kăn xiâm hnê ngăn Kuô̆k hô̆i trâm mâ Khu mâu kăn teăng mâ Kuô̆k hô̆i hơnăm ối nếo

A tíu tơkŭm po hneăng hôp Kuô̆k hô̆i, mâu kăn teăng mâ hơnăm ối nếo ƀeăn ƀĕng, tá hiâm mơno, ai rơkong tơpui tối rơkê, tŭm têk, châ kuăn pơlê tơdah xo păng ‘nâng. Vâ pơtối mơnhông mơdêk hnoăng, tíu cheăng ƀă mơdêk ki châ tơƀrê, tơdroăng pêi cheăng, tung la ngiâ, pôa Vương Đình Huệ pơkâ thế, mâu kăn teăng mâ Kuô̆k hô̆i hơnăm ối nếo pơtối pơtâp tiô tơdroăng pơkâ dêi kăn teăng mâ Kuô̆k hô̆i ‘na hiâm mơno kal kí, tơdroăng hriâm, tơdroăng cheăng, pêi tá hiâm mơno, tâi tâng rơkong tơpui cho ăm mâu tơdroăng pêi cheăng dêi Kuô̆k hô̆i.

A Sa Ly tơplôu ƀă tơbleăng