Tối tơbleăng a rôh trâm mâ, pôa Vương Đình Huệ, Kăn xiâm hnê ngăn Kuô̆k hô̆i ăm ‘nâi, nôkố tơnêi têa pin hiăng ai khu mơdró  tâk troh rơtuh ngế; dế rak ngăn, pơkuâ lối 900 rơpâu khu mơdró, tung mê, ai 98% khu mơdró krê.

Pôa Vương Đình Huệ tối ăm ‘nâi, Đảng, Tơnêi têa pin ngăn đi đo nhoăm hnoăng cheăng dêi khu mơdró, mâu ngế cheăng mơdró kâ rơkê ƀă tơdroăng mơnhông mơdêk tơnêi têa. Kăn xiâm hnê ngăn Kuô̆k hô̆i tối nhên, tơdroăng pơkâ 41 dêi Khu xiâm kal kí ‘na mơjiâng ƀă pơtối rak vế pêi pro hnoăng cheăng dêi khu mơdró  Việt Nam tung rơxông nếo hiăng tơbleăng troăng rơhlâ ƀă tơdroăng pêi pro ki nếo, pêi cheăng ngăn tiô tơdroăng kal vâ mơnhông tơbrê dêi khu mơdró ƀă tơdroăng kal vâ dêi tơnêi têa.

Xua mê, Mơnhông khu mơdró hdroâng mơngế, kal mơnhông tơƀrê tuăn pêi cheăng dêi Khu mơdró Việt Nam thế ai tuăn mơno lĕm, túa lĕm tro tung mơdró kâ mơhno túa lĕm tro hdroâng kuăn mơngế, hdroâng kuăn ngo, ai hnoăng cheăng pêi tro tung rêh ối ing tơdroăng mơjiâng, hriâm pât rêh ối túa lĕm tro, pơtối rak ki pơxúa lĕm ton nah tung mâu rơpŏng khu mơdró.