VOV4.Xơ Đăng - Kơxo kố, Hô̆i đong hnê ngăn kong pơlê Phú Thọ hiăng po rôh hôp má 4, Hô̆i đong hnê ngăn kuăn pơlê dêi kong pơlê hneăng 19, hneăng hơnăm 2021-2026. Troh veăng hôp ƀă tơbleăng hnê mơhno hneăng hôp, pôa Vương Đình Huệ, Kăn xiâm hnê ngăn Kuô̆k hô̆i khĕn kơdeăn mâu tơdroăng cheăng pêi tơ-brê dêi kong pơlê Phú Thọ hiăng pêi tơ-brê tung hơnăm hdrối ƀă tối, tung tơdroăng tơbrê tơchoâm dêi kong pơlê ai hnoăng veăng ‘no  kal khât dêi Hô̆i đong, mâu kăn Hô̆i đong hnê ngăn rêm râ kong pơlê Phú Thọ.

Pôa Vương Đình Huệ, kăn xiâm hnê ngăn Kuô̆k hô̆i veăng hôp  rôh pơxiâm po hôp má pŭn Hô̆i đong kong pơlê Phú Thọ

Kăn xiâm hnê ngăn Kuô̆k hô̆i pơkâ thế Đảng ƀô̆ mâu kăn kong pơlê Phú Thọ kal pơtối tơbleăng ai pơxúa tơdroăng pơkâ hneăng hôp Đảng lâp tơnêi têa má 13, Pơkâ hneăng hôp Đảng bô̆ roh má 19 mâu tơdroăng pêi pro hiăng châ kĭ vâ tơbleăng pêi mâu pơkâ dêi tíu xiâm tơnêi têa, Kuô̆k hô̆i , Chin phuh. Mâu luât pơkâ tŏng kum châ tơmâng pêi, khu todroăng vâ pêi pakĭng pơtối kipơxúa, pơchông, ăm hlo ki krê xêh dêi môi kong pơlê kơpong tơdế tơnêi têa kong ngo tối thế hnê troh tơrŭm tung kơpong. Tơmâng mơnhông cheăng kâ ăm tơdâng tơ-‘mô, mơnhông mơhno túa lê̆m tro ƀă rêh ối pơlê pơla tiô troăng hơlâ rak vế hyôh kong prâi.

Gương tơplôu ƀă tơbleăng