Pôa Vương Đình Huệ, Kăn xiâm hnê ngăn Kuô̆k hô̆i xông tơpui a ngiâ mâu ngế rơkê, khu hriăn plĕng ƀă lối 40 kăn teăng mâ Iran
Thứ sáu, 08:45, 11/08/2023
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
VOV4.Xơ Đăng - A kơ koan xiâm Hriăn plĕng Kal kí ƀă Tơrŭm cheăng lâp plâi tơnêi, Khu xiâm tơpui kâ kong têa Iran, pôa Vương Đình Huệ, Kăn xiâm hnê ngăn Kuô̆k hô̆i hiăng ai ƀai xông tơpui troăng hơlâ ki kal a ngiâ khu ngế rơkê, khu hriăn plĕng ƀă lối 40 kăn teăng mâ Iran nah pêi cheăng a mâu kong têa tung lâp plâi tơnêi.
Xông tơpui a ngiâ mâu ngế ki rơkê, khu hriăn plĕng rơkê, pôa Vương Đình Huệ tối nhên 3 ƀai hriâm ki xiâm cho xo vế ing tơdroăng nôkố dêi Việt Nam, mê cho krá chân hnoăng pơkuâ dêi Đảng, Chin phuh, Kuô̆k hô̆i Việt Nam ƀă hiâm mơno xo kuăn pơlê pro xiâm kối.
Tối nhên, la ngiâ môi Tơdroăng rêh ối la ngiâ hơniâp lĕm ƀă mơnhông mơdêk ƀă tơmiât pêi 50 hơnăm la ngiâ ăm tơrŭm cheăng pơla péa tơnêi têa, pôa Vương Đình Huệ, Kăn xiâm hnê ngăn Kuô̆k hô̆i pâ thế Việt Nam – Iran rơtế tơdjuôm ivá thăm krá tơniăn 4 Tơdjêp, mê cho tơdjêp troăng hơlâ tơpui kâ ƀă tơrŭm cheăng.
Tiô pôa Vương Đình Huệ, loi tơngah kal kí cho tơmeăm ki kơnâ, cho xiâm kối vâ tơrŭm cheăng péa tơnêi têa châ tơƀrê hên păng ‘nâng.
Viết bình luận