Pơcháu tơmeăm khoăng mơjiâng pro tíu ối 541 ăm Khu xiâm pơkuâ ngăn lêng kong pơlê Attapeau, kong têa Lếo
Thứ năm, 06:00, 07/12/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Tung rôh trâm mâ tơpui tơno tơrŭm cheăng Lêng tơkăng kong pơla Việt Nam - Lếo - Cul rôh má 1, Khu kăn pêi cheăng dêi Khu xiâm pơkuâ ngăn lêng Việt Nam xua Thiê̆u tươ̆ng Hoàng Hữu Chiến, kăn phŏ pơkuâ lêng, Tí tăng ‘nâi plĕng ăm khu xiâm pơkuâ ngăn Mố đô̆i gak tơkăng kong Việt Nam pro ngế xiâm pơkuâ khu kăn hiăng pơcháu tơmeăm khoăng mơjiâng pro tíu ối ăm lêng Đăi đô̆i kring vế tíu tơkăng kong 541 ăm Khu xiâm pơkuâ ngăn Lêng kong pơlê Attapeau.
Kố cho môi tung mâu mơ-eăm khoăng dêi Khu xiâm pơkuâ ngăn lêng Việt Nam ăm Khu xiâm pơkuâ ngăn lêng kong têa Lếo ƀă tơdroăng púi vâ achê ƀă mâu lêng dêi Lếo tối tơdjuôm, mâu lêng rak ngăn, kring gak tíu tơkăng kong dêi Lếo tối krê mơjiâng troăng tơkăng kong péa tơnêi têa tơrŭm tơrôa, mơnhông tơniăn.
Tung tơdroăng, Khu xiâm pơkuâ ngăn pơkeăng lêng hiăng tơrŭm ƀă Hngêi pơkeăng lêng 87 dêi Khu xiâm pơkuâ ngăn ‘na kế kâ dêi khu xiâm pơkuâ ngăn mố đô̆i gak tơkăng kong tơkŭm khăm pơlât, xing xoăng pơkeăng pơkeăng tê kơtê ăm dâng 700 ngế kuăn pơlê tung tơring Phu Vông ƀă tơring Xản Xây, kong pơlê Attapeau.
Viết bình luận