Ngế pro xiâm phŏ hnê ngăn tơnêi têa Trần Hồng Hà veăng ƀă diâp Pơkâ kĭ pơkâ. Xông tơpui a Leh tơbleăng pơkâ pêi Pơlê kong kân Đà Nẵng, Ngế pro xiâm hnê ngăn tơnêi têa Trần Hồng Hà mơnhên: Mơ-éa pơkâ pro Pơlê kong kân Đà Nẵng tơbleăng hâi kố châ mơjiâng ƀă troăng tơmiât pêi mơnhông, tơmiât pêi ton xŏn tung tơmeăm ki ai hlâu phá tơ-ê, roh tơ’lêi ki má môi ƀă tơbriât cheăng hôm; pêi pro troăng hơlâ dêi Khu xiâm kal kí a Pơkâ kơxô̆ 43 –NQ/TW hâi lơ 24 khế 1 hơnăm 2019, mơhno tơdroăng pói vâ dêi kuăn pơlê Đà Nẵng ‘na môi pơlê kong kân tơxâng rêh ối, tíu xiâm cheăng kâ – rêh ối pơlê pơla kân dêi lâp tơnêi têa ƀă kơpong peăng mâ hâi lo pá hdroh châu Á.

Pơlê kong kân kô ai hnoăng dêi môi tung mâu tíu kơdrâm kuăn pơlê rêh ối tê mơdró tơtêk kơpong peăng kơnhŏng pá Tơdế tơnêi têa ƀă drô hbrâ tơbăng, kơpong peăng kơnhŏng Tây Nguyên. Pơkâ  pêi Pơlê kong kân Đà Nẵng roh kố mơnhên ôm hyô pơtối cho kơvâ cheăng kâ ki xiâm, mơnhông pơlê kong kân chiâng tíu xiâm ôm hyô ƀă tê mơdró dâi lĕm.