VOV4.Xơ Đăng - Viƀan Pơlê kong kân Hồ Chí Minh nếo ai mơ-éa pơtroh Khu pơkuâ Hnê hriâm ƀă Hnê mơjiâng tuăn ngôa rơkê rơtế mâu khu cheăng ki tơdjâk ‘na tơdroăng môi tuăn troăng hơlâ mơjiâng mâu kơlo tŏng kum kơxô̆ liăn hriâm sap hơnăm 2022 – 2023 ƀă mâu hơnăm pơtối nếo. Tiô mơ-éa tơbleăng hâi lơ 19/5/2022 dêi Khu pơkuâ hnê hriâm ƀă hnê mơjiâng tuăn ngôa rơkê Pơlê kong kân Hồ Chí Minh ‘na troăng hơlâ mơjiâng mâu kơlo tŏng kum kơxô̆ liăn ƀă mâu râ hriâm râ má péa tơnêi têa ƀă pakong tơnêi têa sap hơnăm 2022 – 2023 ƀă mâu hơnăm pơtối nếo tung pơlê kong kân Hồ Chí Minh, Viƀan pơlê kong kân môi tuăn pơkâ kố, môi tuăn troăng hơlâ mơjiâng mâu kơlo tŏng kum kơxô̆ liăn ăm hok tro hriâm hngêi trung tơnêi têa ƀă pakong tơnêi têa tung pơlê kong kân sap hơnăm hriâm 2022 – 2023.

Viƀan pơlê kong kân Hồ Chí Minh pơcháu Khu pơkuâ hnê hriâm ƀă Hnê mơjiâng tuăn ngôa rơkê pơkuâ, tơrŭm ƀă mâu kơvâ cheăng ki tơdjâk hriăn plĕng mơjiâng kơlo tŏng kum tơtro ƀă mâu râ hriâm (ôh tá riân râ hriâm má môi) vâ kơdroh tơdjâk pơlê pơla xua pơ’lêh kơlo xo hnoăng liăn hriâm tiô pơkâ kơxô̆ 81/2021/NĐ-CP dêi Chin phuh.

A Sa Ly tơplôu ƀă tơbleăng