VOV4.Xơ Đăng - Hâi lơ 8/4, Vi ƀan pơlê kong kơdrâm Ƀuôn Ma Thuột, kong pơlê Dak Lak hiăng tơbleăng mơ-éa ‘na tơdroăng pơtối pro pơhôi pơ’lêh mâu troăng hbrâ, mơdât pơreăng COVID-19 tung rơxông nếo. Pơtối mê, sap ing 6 chôu, hâi lơ 12/4, pơlê kong kơdrâm Ƀuôn Ma Thuột ăm phêp tơkŭm po tơdroăng xah hêi pakong, tung hngêi ƀă kơxô̆ mơngế tơkŭm ôh tá hluâ 100 ngế ƀă thế tơniăn tro pơkâ hbrâ mơdât pơreăng COVID-19; Ăm phêp vê pro tơniăn 50% tơdroăng pêi cheăng tê mơdró môi tiah: tíu ôu drôu hơdruê xah hêi, karaoke, kuăn ƀar, mas-sa, Internet, xah hêi đie#n tưh.

Pơlê kong kơdrâm Ƀuôn Ma Thuột ăm phêp chiâng tê mơdró hơdruê karaoke, tíu ôu drôu, kơhnhon xuâng, kuăn bar vêh pêi cheăng 

Mâu tíu tê mơdró tơmeăm ôu kâ, mâu hngêi khôp, tíu koh tơbâ châ chiâng tơkŭm laga thế tơniăn tro tiô pơkâ; Tơkŭm hnê hriâm tơdrêng ƀă mâu khô̆i lâm 9 ƀă râ Trung hok phôh thong. Xêo troh hâi lơ 8/4, pơlê kong kơdrâm Ƀuôn Ma Thuột hiăng châ hlo vâ chê 50 rơpâu ngế tro tâ pơreăng COVID-19, tung mê ai lối 10 rơpâu ngế dế pơlât. Ki hên mâu ngế tro tâ COVID-19 a Ƀuôn Ma Thuột pơrá ôh tá râ, lơ pơreăng ôh tá mơhno pakong tơdroăng châi ƀă pơlât xêh a hngêi.

A Sa Ly tơplôu [ă tơbleăng