Pơlê kong krâm Ƀuôn Hồ tơbâ 15 hơnăm mơjiâng
Thứ bảy, 09:00, 23/12/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Pơlê kong krâm Ƀuôn Hồ kong pơlê Dak Lak cho môi kơphô̆ ki nếo kro mơdrŏng ai hên púi vâ hiăng hlo mơnhông rơdêi. Pơkâ ƀă troăng ki vâ chiâng kơphô̆ túa má Pái hiăng châ kăn xiâm pơlê kong krâm tối a rôh trâm mâ drêng troh tơbâ 15 hơnăm mơjiâng xua Đảng ƀô̆, mâu kăn ƀă kuăn pơlê mâu hdroâng kuăn ngo tung pơlê kong krâm tơkŭm po a kơxo hâi lơ 22/12.
Drêng troh rơbâ 15 hơnăm mơjiâng, pơlê kong krâm Ƀuôn Hồ pơkâ chiâng kơphô̆ túa má pái a hơnăm 2025 ƀă cho tíu xiâm dêi kơpong peăng kơnhŏng dêi kong pơlê Dak Lak. Vâ pê klêi tơdroăng mê, pơlê kong krâm tơkŭm hnê mơhno, hnê tơkŭm pêi chiâk; tơrŭm ƀă chiâng mâu tơdroăng pêi lo tơmeăm ki xiâm dêi pơlê kong krâm; tơkŭm pêi chiâk tiô troăng rơhlâ pêi chiâk deăng tro tiô pơkâ mơnhên, tơmeăm pêi lo krúa lĕm, cheăng kâ rơkê pơ’lêh, rak vế hyôh kong prâi nhâ loăng kuăn kiâ ƀă mơjiâng, mơnhông pêi chiâk tiô troăng krá tơniăn ton.
Tơdrêng ƀă pơtối pêi lo mâu tơmeăm khoăng ki ai hlâu akố, pơlê kong krâm xuân pơkâ mơ-eăm tơleăng mơnhên mâu tơdroăng ki ối pá vâ châ tơƀrê.
Viết bình luận