Tiô hnê mơhno dêi khu xiâm ngăn hnê hriâm ƀă hnê mơjiâng tuăn ngôa rơkê kong pơlê Kon Tum, Ngế pơkuâ mâu hngêi trung hriâm ƀă tơrêm thái cô ki pơkuâ lâm ôh tá ăm ai tơdroăng hôp ăm mâu nôu pâ apoăng ‘măn mê cho tíu tơbleăng tối mâu kơxô̆ liăn thế nâp.

Vâ pơ’lêh nếo mâu rôh hôp dêi mâu nôu pâ, mâu hngêi trung hriâm ing tơdroăng ki ai khât thế pêi a hdrối tơdroăng kal, mê cho tơpui tơno, tăng êng hôm vâ môi tuăn; hbrâ mơdât ma tŭi tung hngêi trung, rak tơniăn tơdroăng hnê tối tung măng; pơtối rak kơxô̆ hok tro lăm hriâm rêm hâi; pơtối rak ki tơƀrê ‘na tơdroăng ‘no liăn cheăng mơjiâng hngêi trung dêi tơnêi têa ƀă hok tro kuăn ngo.

Pôa  Đoàn Thành Nhân, kăn phŏ pơkuâ  xiâm ngăn Hnê hriâm ƀă hnê mơjiâng tuăn ngôa rơkê kong pơlê Kon Tum ăm ‘nâi tơdroăng pơkâ cho ing rôh hôp, nôu pâ thế ‘nâi chôu pâ mâu tơdroăng tơbleăng ki kal tối ăm kuăn ‘nĕng ‘nâi mâu tơdroăng hâk ƀă tơdroăng hriâm dêi kuăn ‘nĕng.