“Pơloăng mơnúa hriăn plĕng tơdroăng hnê rak tơniăn a troăng prôk’ dêi kong pơlê Gia Lai
Thứ hai, 14:14, 30/10/2023
Tơplôu: Gương/VOV Tây Nguyên
Tơplôu: Gương/VOV Tây Nguyên
VOV4.Xơ Đăng - Kơxê hâi lơ 29/10 ai vâ chê 1 rơpâu ngế hok tro a pơlê kong kơdrâm Plei Ku kong pơlê Gia Lai hiăng veăng tơ’noăng “Mơnúa hriăn plĕng tơdroăng ki nếo hnê pro tơniăn a troăng prôk”.
Ƀă tơdroăng “Hơnăm ối nếo pêi pro tơdroăng tơniăn lĕm a troăng prôk”, mâu khu ki veăng tơ’noăng hiăng rah 3 tơdroăng mê cho: hơdruê Rap; hriăn plĕng túa tuih xuăng, lơ tơkŭm tá péa tơdroăng ‘na idrâp, rơkong hơdruê dêi video hơdruê mê “Hnê ‘na rak tơniăn drô troăng prôk”. Mâu ƀai hơdruê, tuih xuăng hiăng tơ’mot hên ngế ngăn, hmâng ƀă ai hên ngế vâ môi tuăn dêi mâu vâi o hok tro.
Kố châ ngăn cho tơdroăng xah hêi ki pơxúa, kum vâi o hok tro châ trâm mâ, hriâm tâp, hlo ngăn, châ hmâng tơdroăng mê, hlê plĕng, ‘nâi klê tung veăng pêi pro rak tơniăn a troăng prôk, malối cho mâu vâi o hok tro drêng prôk a drô troăng.
Viết bình luận