Veăng hôp tơpui tơno ai mâu ngế rơkê ‘na khoa hok, khu rak ngăn dêi xiâm kơvâ cheăng ƀă mâu kăn dêi 5 to kơpong Tây Nguyên. Riân troh khế 6/2023 kơpong Tây Nguyên ai  2.187 Khu pêi cheăng tơrŭm, tung mê ai lối 1.600 Khu pêi cheăng tơrŭm pêi chiâk, ki u ối cho Khu pêi cheăng tơrŭm pa gong ‘na chiâk deăng. Mơhé hiăng tối tíu ki xiâm, hnoăng cheăng pêi tung mơnhông cheăng kâ - rêh ối kơpong Tây Nguyên mơnhông tơƀrê, la tiô tơdroăng veăng tối dêi mâu kăn a hneăng hôp mâu Khu pêi cheăng tơrŭm a kơpong kố hiăng ƀă dế trâm hên pơloăng mơnúa ƀă cho ki pá, mê cho: ‘na ki hlê plĕng, ‘na ivá cheăng ƀă liăn ngân ôh tá ai ƀă ki tơƀrê lơ ôh dêi mơngế cheăng...

Vâ cheăng kâ dêi Khu pêi cheăng tơrŭm kơpong Tây Nguyên tơkâ luâ xơpá pơtối mơnhông, a hneăng hôp mâu kăn hiăng tơkŭm tơpui, tối nhên tơdroăng mơnhông cheăng kâ dêi khu pêi cheăng tơrŭm kơpong Tây Nguyên nôkố; ki xiâm khoh chiâng ai ki xơpá, tơvâ tơvân ƀă troăng rơhlâ mơnhông cheăng kâ Khu pêi cheăng tơrŭm kơpong Tây Nguyên pơtối mơnhông tung la ngiâ.