VOV4.Xơ Đăng - Măng t^ng hdrối, Khu xiâm pơkuâ Đoân Droh rơtăm Ko\ng san Hồ Chí Minh hiăng tơku\m po mơgêi tơdroăng khế droh rơtăm 2022. {a\ dó inâi ‘’Rơxông ối nếo tơmiât pêi rơkê’’, tơdroăng pêi Khế droh rơtăm hơnăm 2022 hiăng châ mâu khu xiâm Đoân pêi pro trâu hơngế, mơhnhôk kơdrâm đoân viên, droh rơtăm pho#m xông kân veăng pêi, [a\ tâi tâng kơxo# liăn mơhnhôk châ vâ chê 68 rơtal liăn. Hên troăng pêi ki nếo, tơmiât pêi rơkê tung tơku\m po mâu tơdroăng châ hnê tối ăm dêi pó, po rơdâ teăm tơdrêng.

Khế droh rơtăm hơnăm 2022 ƀă tơdroăng pơxá ‘’Hơnăm ối nếo hriê̆n plĕng’’ hiăng châ 67/67 to kong pơlê, Khu pơkuâ ngăn Đoân droh rơtăm ƀă Đoân râ  kong pơlê veăng pêi pro, tơ’mot vâ chê 28.000 hdroh ngế đoân viên, droh rơtăm, tơbleăng mâu todroăng pêi pro ƀă tâi tâng kơxô̆ liăn tăng vâ chê 68 rơtal liăn. Mâu tơdroăng hnê mơhno tơbleăng mâu tơdroăng pêi pro dêi khế droh rơtăm hơnăm 2022 châ pêi teăm tơdrêng, plâ ing tíu xiâm troh cheăm bêng.

Mâu tơdroăng châ tơbleăng pêi tơ’lêi tung pơla droh rơtăm tung lâp tơnêi têa tơkŭm pêi mâu tơdroăng tơbâ 91 hơnăm Hâi mơjiâng Đôan droh rotăm Kŏng sản Hồ Chí Minh, tơkŭm po hneăng hôp Đoân rêm râ troh hneăng hôp đoân tung lâp tơnêi têa roh má 12; séa ngăn tơdroăng hnê mơhno dêi Đảng, Tơnêi têa, Chin phuh ‘na hbrâ mơdât pơreăng COVID-19; teăm, rơkê ƀeăn vâ mơjiâng mâu tơdroăng hriê̆n plĕng tung tơbleăng tơdroăng pêi pro tơ-tro ƀă tơdroăng dêi pơreăng tâ tú.

Leh mơgêi tơdroăng cheăng khế droh rơtăm 2022

Hên tơdroăng pêi pro, túa pêi ki nếo, hriê̆n plĕng tung tơkŭm mâu tơdroăng tơbleăng tung khế droh rơtăm châ tối, po rơdâ teăm tơdrêng, tơ-brê tung tâi tâng đoân ing mâu măng tĭng tơbleăng pêi. Mâu đoân viên, droh rơtăm veăng pêi mâu tơdroăng cheăng tung khế droh rơtăm krâm, hên mâu droh rơtăm veăng pêi hên tuá.

Pakĭng mâu tơdroăng hiăng châ pêi tơ-brê, mâu tơdroăng cheăng hâi châ tơkŭm tơbleăng, hâi châ tơ-brê tiô pơkâ Khế droh rơtăm hơnăm 2022, mê cho: Tơdroăng tơrŭm hnê tối mơhno tơdroăng cheăng ƀă kum mơhno tăng cheăng pêi ăm mâu droh rơtăm mâu hơnăm ối nếo dêi rêm râ Khu xiâm Đoân ối trâm hên xơpá, hâi ai ki pơ’lêh nếo, hâi ai hên túa pêi ki tơ-brê tung tơdroăng tŏng kum pơ’lêh kơxô̆, xúa kŏng ngê̆ tung pêi chiâk deăng deăng; tơbleăng tơdroăng ‘na mâu hơnăm ối ngế ki rơkê pleăng hnoăng tơná veăng ‘mâi mơnhông pêi chiâk deăng ki ối pá tơvâ tơvân; tơdroăng mơjiâng, tơbleăng khu ki lăm pleăng hnoăng cheăng xúa kŏng ngê̆ sinh hok  tung kring vế hyôh kong prâi xuân hâi pro pơxúa tơ-brê.

Droh rơtăm Dak Lak mơ-eăm pêi mâu tơdroăng cheăng rêh ối pơlê pơla

A rôh mơgêi, hên tơdroăng chêh tối dêi mâu kong pơlê, pơlê kong kân hâi tơbleăng pơkâ mơdêk ki tơ-brê tơdroăng cheăng Đoân tung la ngiâ. Thiê̆u tă Bạch Quốc Tuyên, kăn phŏ hnê ngăn Đoân droh rơtăm Khu xiâm kŏng an tối: Ƀă tơdroăng mơhnhôk 5 pêi pro, mơnhông mơdêk cheăng kâ rêh ối, kring vế tơnêi tê, kal tơrŭm tơdroăng cheăng ƀă mâu kong pơlê, pơlê kong kân, pơtối rak ki tơ-brê tung tơdroăng mơhnhôk mâu droh rơtăm veăng kring vế tíu tơkăng kong:

“Tơdroăng ki pin đi đo tơkŭm po khế 3 tíu tơkăng kong mê pin kô tí tăng ‘nâi plĕng vâ mơhnhôk pêi tơdroăng ton hâi tâ. Pơtih, rah xo hơnăm pơkâ cho hơnăm Droh rơtăm Việt Nam ƀă tíu tơkăng kong chuăn têa kơxĭ ‘lo, mê pin tơkŭm châ hên tâ, hên tơdroăng pêi pro tâ veăng mơnhông cheăng kâ rêh ối a tíu tơkăng kong. Má péa nếo, ngin pơkâ thế mâu kong pơlê, khu pơkuâ ngăn Đoân pơlê kong kân pơtối tơrŭm pêi tơ-brê ƀă khu droh rơtăm Khu xiâm kŏng an tung tơku\m pêi cheăng ‘na tíu tơkăng kong, chuăn têa kơxĭ. Ngin púi vâ kô veăng tí tăng ‘nâi plĕng ƀă Khu kăn hnê ngăn Tíu xiâm Đoân pơkâ luât tơrŭm pơla Đoân droh rơtăm Khu xiâm kŏng an ƀă mâu kong pơlê, Đoân pơlê kong kân hnê mơhno pêi tơdroăng cheăng dêi Đoân droh rơtăm, Kŏng an mâu kong pơlê, pơlê kong kân râ xiâm tơnêi têa xuân môi tiah tung pơkâ tơrŭm pơla xing xoăng tơkŭm po mâu tơdroăng cheăng tung kơpong kuăn pơlê ối a mâu kong pơlê, Đoân pơlê kong kân”. 

Tơbleăng a hneăng hôp, ngoh Nguyễn Văn Tuấn, Bí thư má môi dêi Tíu xiâm Đoân droh rơtăm Kŏng sản Hồ Chí Minh khê̆n kơdeăn khât mâu tơdroăng mơ-eăm ƀă tơ-brê ki mâu kong pơlê, pơlê kong kân kong kơdrâm tung lâp tơnêi têa châ pêi pro tơ-brê tung Khế droh rơtăm, tung mê, ai hnoăng tối mơnê dêi Khu xiâm ngăn kơvâ cheăng dêi Tơnêi têa, mâu kăn mâu kong pơlê, kuăn pơlê, pro xiâm ki tơ’noăng tơkŭm ăm tơdroăng po hôp đoân rêm râ; hên tơdroăng ki pá tung Khế droh rơtăm la xuân châ pêi pro. Laga, hên tơdroăng ki pá tơvâ tơvân  hâi châ pêi pro, ối lôi, thế ‘mâi rơnêu ‘na tơdroăng tí tăng ‘nâi plĕng hnê mơhno  pơkuâ. Ngoh Nguyễn Anh Tuấn pơkâ thế:

“Túa pêi cheăng dêi ngin ‘mâi hriâm ing hnê mơhno Khế droh rơtăm cho tơdroăng tơrŭm pơla mâu khu xiâm, kơvâ cheăng ăm tơtro. A kong pơlê pêi xuân tro, malối cho hơnăm kố cho hơnăm pơxiâm ai luât droh rơtăm xêt khât. Khế droh rơtăm ai tơdroăng tơpui pơla mâu ngế xiâm pơkuâ mâu kăn ƀă khu droh rơtăm. Mâu ngế veăng tí tăng ‘nâi plĕng mê tro ƀă ing tơdroăng tơpui tơno mê nế ai luât pơkâ, luât tŏng kum, pơkâ mâu tơdroăng hnê tối ‘na tơdroăng cheăng vâ Vi ƀan pơcháu hnoăng cheăng chêh inâi hdrối ăm mâu droh rơtăm. Á xuân púi vâ kô cho túa pêi cheăng ƀă pin kô pơtối rak vế tro tâ tung la ngiâ, malối cho tung tơdroăng hbrâ ăm hneăng hôp la ngiâ”.

VOV1

Gương tơplôu ƀă tơbleăng