Tung tơdroăng pêng păm tuăn pâ pro nhŏng o ki lĕm má môi Việt Nam - Lếo, khu râ kăn pêi cheăng diâp vâ chê 400 kơxuô tơmeăm ăm mâu rơpŏng kuăn pơlê ối tung 6 pơlê tung tơring Đắc Chưng. Mâu kơxuô tơmeăm kố mơhé ôh tá kân ‘na kế tơmeăm khoăng, laga pêng păm tơdroăng tuăn pâ tá i hiâm mơno, tơdroăng ki gum dêi pó ƀă pôu râng hnoăng cheăng dêi kăn ƀô̆, mâu lêng pơlê kong kân Đà Nẵng ƀă kuăn pơlê kơpong tơkăng kong tơnêi têa pú hmâ klăng roh tơdah hơnăm Bunpimay.

Mâu ƀok thái pơkeăng tung khu tơkŭm po khăm, hnê mơhno ivá ƀă xing xoăng pơkeăng tê kơtê ăm lối 450 roh ngế kuăn pơlê. Tơdroăng cheăng kố ôh tá xê to mơhno ki kơnâ lĕm trâu hơngế mê ối gum tơbêng tơrŭm cheăng môi tuăn ki lĕm má môi, môi ihiâm pơla Kuăn pơlê péa tơnêi têa Việt Nam – Lếo tối tơdjuôm, pơla Pơlê kong kân Đà Nẵng ƀă kong pơlê Sê Kông tối krê.