Pơtroh liăn ngân cho tơdroăng cheăng ki pơkâ cheăng ăm mâu ngế pêi cheăng hdroâng kuăn ngo a kong pơlê Kon Tum
Thứ bảy, 06:00, 26/08/2023
Tơplôu: Katarina Nga/VOV Tây Nguyên
Tơplôu: Katarina Nga/VOV Tây Nguyên
VOV4.Xơ Đăng - Tung péa hâi lơ 24 ƀă 25/8, Tíu xiâm tơbleăng cheăng pêi kong têa ê, Khu xiâm ngăn cheăng pêi mố đô̆i tro rong ƀă rêh ối pơlê pơla tơrŭm ƀă Khu ngăn cheăng pêi mố đô̆i tro rong ƀă rêh ối pơlê pơla kong pơlê Kon Tum tơkŭm po Leh tối tơbleăng tơdroăng cheăng pêi a 2 tơring xơpá châ xúa troăng hơlâ tŏng kum 30a dêi Chin phuh cho Tu Mrông prế Kon Plông.
Rôh tơbleăng tơdroăng cheăng pêi kố hiăng pơkâ cheăng pêi ăm lối 600 ngế pêi cheăng cho hdroâng kuăn ngo Rơteăng a 2 to tơring kố. Tung 2 rôh tơbleăng tơdroăng cheăng, ai 42 khu mơdró kâ, tíu pêi cheăng chêh inâi ai tơdroăng ki vâ rah xo lối 2.200 ngế pêi cheăng tung kong pơlê, ƀă lăm pêi cheăng a kong têa ê tiô hâi khế hơnăm tơkêa.
Mâu ngế pêi cheăng a 2 tơring Tu Mrông prế Kon Plông dêi kong pơlê Kon Tum klêi kơ’nâi tăng ‘nâi, châ tiâ mơnhên a rôh tơbleăng tơdroăng cheăng pêi kô tơpui tơdrêng ƀă Tíu xiâm tơbleăng cheăng pêi kong pơlê Kon Tum vâ châ tơdjêp ƀă khu mơdró kâ ƀă bro hồ sơ. Kố cho rôh apoăng, Tíu xiâm tơbleăng tơdroăng cheăng pêi kong têa tơkŭm po rôh tơbleăng tơdroăng cheăng pêi a kong pơlê Kon Tum.
Viết bình luận