Pơtroh, rah xo Đăi tă Hồ Song Ân pro Kăn pơkuâ Kŏng a kong pơlê Dak Nông
Thứ năm, 14:28, 17/10/2024
Tơplôu: A Sa Ly/VOV Tây Nguyên
Tơplôu: A Sa Ly/VOV Tây Nguyên
XODANG.VOV.VN - Kơxê lơ 16/10, a pơlê kong kơdrâm Gia Nghĩa, Khu xiâm pơkuâ Kŏng an tơkŭm po Leh tơbleăng Pơkâ dêi Khu xiâm hnê ngăn Kŏng an pơtroh ƀă rah xo Đăi tă Hồ Song Ân, Kăn phŏ pơkuâ Kŏng an kong pơlê Quảng Nam troh tơdah tơdroăng cheăng ƀă to pro Kăn pơkuâ Kŏng an kong pơlê Dak Nông.
Đăi tă Hồ Song Ân kot mâ hơnăm 1978, pơlê kong pơlê Quảng Nam, châ Ngế xiâm Khu xiâm Kŏng an pơtroh ƀă rah xo pro Kăn pơkuâ Kŏng an kong pơlê Dak Nông teăng Đăi tă Nguyễn Thanh Liêm hiăng châ pơtroh rah xo pro Kăn pơkuâ Kŏng an kong pơlê Quảng Bình.
Tơdroăng Đăi tă Hồ Song Ân châ pơtroh, rah xo pro Kăn pơkuâ Kŏng an kong pơlê Dak Nông mơhno tơdroăng loi tơngah dêi Đảng ủy Kŏng an xiâm tơnêi têa, khu râ kăn pơkuâ Khu xiâm Kŏng an ƀă Kong pơlê Dak Nông. Tơdah hnoăng cheăng nếo, kong pơlê nếo, Kăn nếo pơkuâ Kŏng an kong pơlê Dak Nông tơkêa kô pêi tâi ivá tơná tung tơdroăng pêi cheăng; tơdjuôm ivá, tơdjuôm hiâm mơno rơtế khu pú hên Đảng ủy, Khu pơkuâ Kŏng an kong pơlê ƀă tâi tâng kăn ƀô̆, mâu lêng kêi đeăng hnoăng cheăng châ pơcháu.
Viết bình luận