VOV4.Xơ Đăng - Kơxo kố, Kuô̆k hô̆i pơtối hôp tơpui tơno a hngêi hôp kân ‘na tơdroăng pơkâ ‘na mơnúa pêi pro luât pơkâ, tŏng kum ki phá xêh tung mơnhông kong pơlê Khánh Hòa. Tơmâng séa ngăn ‘na tơdroăng pơtroh liăn ăm mung nếo, Kum Chin phuh xoăng ăm liăn mung dêi tơnêi têa; tơpui tơno a hngêi hôp kân ‘na tơdroăng pơtroh ăm mung liăn nếo, kum ăm mung liăn dêi Chin phuh xoăng ăm liăn ngân tơnêi têa.

Peăng kơxê pơxiâm 2,5 hâi hnê tối tiâ rơkong kơ êng, Ngế xiâm ngăn ‘na chiâk deăng ƀă mơnhông thôn pơlê, pôa Lê Minh Hoan veăng tiâ rơkong kơ-êng ƀă khu kơ êng ‘na tơdroăng pêi chiâk. Hdrối mê, tung kơxê lơ 6/6, Kuô̆k hô̆i hiăng tơpui ‘na tâi tâng tơdroăng pơkâ pêi pro tiô tơdroăng kơxô̆ 66 dêi chin phuh ƀă tối tơbleăng troăng rơhlâ dêi Kuô̆k hô̆i  ƀă tơbleăng tơdroăng tơkêa bro troăng Hồ Chí Minh pơla rôh pơtối.

Troh nôkố, tơdroăng tơkêa bro hiăng 2 rôh ôh tá kâl klêi, ối 171 km hâi châ ‘no liăn tŏng kum. Hên ngế pâ thế kố cho tơdroăng tơkêa bro ki kal dêi tơnêi têa, kal thế ăm liăn vâ pê klêi tơdroăng tơkêa pro ing peăng kơnhŏng troh peăng Hdroh; Pâ thế Chin phuh mơdoh ivá vâ pê klêi mâu tíu ki u ối vâ troăng kân Hồ Chí Minh châ prôk tung mâu khế la ngiâ.

Gương tơplôu ƀă tơbleăng