VOV4.Xơ Đăng - Hâi lơ 10/6, a cheăm Ea Kpam, tơring Čư̆ Mgar, kong pơlê Dak Lak, Grup pơkuâ Xuân Thiện tơkŭm po Leh pơxiâm mơjiâng pro Kơpong pêi chiâk deăng xúa kơmăi kơmok rơxông nếo Xuân Thiện – Čư M’gar. Kố cho tơdroăng tơkêa bro pơxiâm tung tơdroăng tơkŭm mâu tơdroăng tơkêa bro pêt mơjiâng tơmeăm, păn mơnăn mơnôa, uâ mơdiê tơmeăm xúa kơmăi kơmok rơxông nếo dêi Grup mơ’no liăn cheăng a kong pơlê Dak Lak, ai tâi tâng kơxô̆ liăn lối 1 rơtal dollars, tơdâng lối 25.760 rơtal liăn.

Leh pơxiâm pro

Kơpong pêi chiâk deăng xúa kơmăi kơmok rơxông nếo Xuân Thiện – Čư̆ Mgar ai tâi tâng kơlo liăn mơ’no lối 705 rơtal liăn, kân rơdâ lối 100 ha, ƀă mâu pơlê pêi troh ki xiâm: Mơnúa ƀă rah xo pêt mơjiâng loăng plâi ki pêi lo châ hên, ôh tá ai pơreăng, dâi lĕm; mơjiâng troăng pêi pêt mơjiâng tơmeăm pêi lo ing chiâk deăng xúa kơmăi kơmok rơxông nếo ƀă cheăng kơmăi kơmok; mơjiâng tíu xiâm uâ mơdiê, pơkuâ ƀă tê tơmeăm pêi lo ing chiâk deăng; mơjiâng tíu troh lăm ngăn hriâm tâp tơdroăng pêi chiâk deăng ôm hyô ngăn loăng pơlái kong kế; tơrŭm hnê mơjiâng kăn ƀô̆ ƀă kuăn pơlê pêi chiâk deăng ‘na pêi chiâk deăng xúa kơmăi kơmok rơxông nếo.

Tiô pơkâ Hneăng IV/2023 tơdroăng tơkêa bro kêi đeăng mơjiâng, troh pái khế apoăng hơnăm 2024 ai tơmeăm tê tung kơchơ mơdró.

A Sa Ly tơplôu ƀă tơbleăng