VOV4.Xơ Đăng - A pơlê kong kơdrâm Ƀuôn Ma Thuột, kong pơlê Dak Lak hiăng pêi tơdroăng tơkêa bro mơdêk ki krá tơniăn, tơ-brê ƀă pơxúa cheăng kâ ‘na pêt loăng plâi ƀă ki pơxúa dêi loăng kơphế ƀă tiô a kơpong Tây Nguyên Việt Nam.  Tơdroăng tơkêa bro Tíu xiâm tí tăng ‘nâi plĕng Lâp plâi tơnêi Australia tơbleăng pêi troh khế 9/2024 a pái to kong pơlê Gia Lai, Dak Lak, Dak Nông ƀă veăng ai vâ chê 300 rơpŏng kuăn pơlê pêt kơphế ƀă tiu, tâi tâng kơxô̆ liăn ‘no cheăng vâ chê 90 rơtal liăn.

Mâu ngế rơkê hnê kih thuât rak ngăn kơphế ăm kuăn pơlê ki veăng pêi tơdroăng tơkêa bro

Pơkâ dêi tơdroăng tơkêa bro cho vâ ‘mâi hơ’lêh tơdroăng rêh ối dêi iâ mâu rơpŏng kuăn pơlê kơpong Tây Nguyên, malối cho khu kuăn pơlê ki tơ’lêi tro rong, ing tơdroăng ‘mâi hơ’lêh krá tơniăn ƀă ki pơxúa tung pêt kơphế ƀă tiu.

Gương tơplôu ƀă tơbleăng