VOV4.Xơ Đăng - Hâi lơ 25/5, a pơlê kong kơdrâm Ƀuôn Ma Thuột, Khu ngăn vâi kơdrâi kong pơlê Dak Lak tơkŭm pơxiâm po hâi leh khu vâi kơdrâi pơxiâm pêi cheăng dêi kong pơlê Dak Lak hơnăm 2022. Pơxá Mơdêk ki pơxúa tơmeăm pê lo ing chiâk deăng, Hâi leh khu vâi kơdrâi pơxiâm pêi cheăng a kong pơlê Dak Lak po hên tơdroăng, mê cho: Tơbleăng tơmeăm khoăng pêi lo dêi vâi  kơdrâi; hôp tơpui “pơ’lêh kơxô̆, tê mơdró điê̆n tưh - rôh ki pơloăng mơnúa dêi vâi kơdrâi tung tơdroăng pơxiâm pêi cheăng ƀă tê mơdró”.

Pơxiâm po Hâi leh vâi kơdrâi pơxiâm pêi cheăng kong pơlê Dak Lak

Tiú tê mê mơdró tơbleăng cheăng pêi ăm vâi kơdrâi; hnê hriâm hnê ‘na túa cheăng kâ” mơdêk ki pơxúa dêi kơphế ƀă mơgêi khĕn kơdeăn mâu ngế khu pú hên ki kơhnâ rơkê pêi pro tơdroăng tơkêa bro tŏng kum vâi kơdrâi pơxiâm pêi cheăng pơla hơnăm 2017-2022.  

Kố cho tơdroăng cheăng pêi vâ kum vâi nâ o vâi kơdrâi pơxiâm pêi cheăng tê mơdró ai rôh châ trâm tơpui tơno, hriâm tơbleăng tơmeăm khoăng pêi lo tơmeăm vâ tăng tíu tê châ tơ-brê vâ kơdroh ki xơpá ‘na tíu tế, tơrŭm cheăng.

Gương tơplôu ƀă tơbleăng