VOV4.Xơ Đăng - Hneăng hôp tung lâp tơnêi têa Khu tŏng kum mâu ngế ki chó ƀă mâu vâi hdrêng kuăn tê Việt Nam roh má 6 ( hneăng 2022-2027) hiăng pơxiâm po a kơxo lơ 26/4, a Hà Nội. Kố cho tơdroăng pêi pro ai pơxúa kal ƀă tơdroăng cheăng dêi khu a Tíu xiâm ƀă 45 khu tơrŭm dêi mâu ngế tung khu. Veăng hôp ai 350 ngế kăn châ rah xo ing 45 to kong pơlê, pơlê kong kơdrâm, khu, mâu mơdró dêi mâu kơ koan a Tíu xiâm, mâu ngế ki rơkê.

Hneăng hôp mơgêi 5 hơnăm hneăng má 5 (2017-2022), pakĭng mê pơkâ troăng rơhlâ pêi cheăng dêi Hneăng hôp kô po Leh tơbâ 30 hơnăm hâi mơjiâng khu tŏng kum mơngế ki chó ƀă vâi hdrêng kuăn tê Việt Nam ƀă Tơdroăng trâm mâ tơpui tơno mơhno nghê̆ thuât ‘’Môi plâi nuih - Môi plâi tơnêi’’ roh má 17.

Gương tơplôu ƀă tơbleăng